Shair-o-Shairy
Please Login on Register to Use Forum in full.
Thanks

Woh ajnabi ajnabi se chehray,woh khawab khaimay rawan dawan se

Go down

Woh ajnabi ajnabi se chehray,woh khawab khaimay rawan dawan se

Post by Poet on Tue Nov 15, 2011 8:09 pm

Woh ajnabi ajnabi se chehray,woh khawab khaimay rawan dawan se
Basay hoay hain abhi nazar mein,sabhi manazir dhuwan dhuwan se


Yeh aks-e-dagh-e-shikast-e-paymaan,wo rung-e-zakhm-e-khulos-e-yaraan
Main ghumgusaaroon mein sochta hoon,keh baat chheroon kahan kahan se


Ye sungraizay adawtoon ke,woh aabgenay sakhawtoon ke...!!
Dil-e-musafir qubool kar le, mila hai jo kuch jahan jahan se


Bichharrnay walay bichherr chala tha to nisbtain bhi ganwa ke jata
Teray liey shehr bhar se ab bhi main zakhm khaaon zubaan zubaan se


Meri mohabbat ke wehmoon se paray tha tera wujood warna..!!
Jahan jahan tera aks thera, main ho ke aya wahan wahan se


Tu humsafar hai na humnafas hai,kisay khabar hai keh tu kidhar hai
Main dastkain de ke pooch baitha makeen makeen se makan makan se


Abhi mohabbat ka ism-e-aazam laboon pe rehnay de jan-e-MOHSIN
Abhi hai chahat nai nai si, abhi hain jazbay jawan jawan se

Poet

Posts : 101
Join date : 2011-11-13

Back to top Go down

Back to top


 
Permissions in this forum:
You cannot reply to topics in this forum