Is se pahle k bewafa ho jaayen,

Is se pahle k bewafa ho jaayen,
kiu na ay dost hum juda ho jaayen!

Tu bhi heeray se ban gyaa patthar
Hum bhi jaane kia se kia ho jaayen!

Tu, k yaktaa tha, bay shumaar hua
hum bhi tooten to jaa bajaa ho jaayen

hum bhi majboorion ka uzr karen
phir kaheen or mubtilaa ho jaayen

Hum agar manzilen na ban paae
Manziloon tak ka raasta ho jaayen

Dair se soch men hain parwaane
raakh ho jaayen ya hawaa ho jaayen

bandagi hum ne chhorr di hai Faraaz!
Kia karen Log jab Khuda ho jaayen?