Yeah kis ne kaha tum kooch karo, Batain na banao, Insha Jee!!

by **TimiG** Thu Nov 17, 2011 10:40 am

Yeah kis ne kaha tum kooch karo, Batain na banao, Insha Jee!!
Yeah Sheher tumhara apna hai, Isay chor na jao Insha Jee...

Jitnay bi Yaha ke basi hain, sab kay sab tum se piyaar karain
Kia in se bhi munh phero gay, yeah zulm na dhao Insha Jee..

Kia soch k tum ne sainchi thi, yeah kaisaar kiaari chahat ki
tum jin ko hansanay aye thay, un ko na rulao Insha Jee..

Tum laakh siaahat ke dahni, aik baat hamari bhi manoo
Koi ja ke jaha se ataa nahi, us dais na jao Insha Jee..

Bikhratay ho sona harfo ka, tum chandi jaisay kaghaz per
Phir un main apnay zakhmon ka, mat zehr milao Insha Jee..

Aik raat to kia wo hashr talak, rakhay gi khula darwazay ko
kab laut ke tum ghar ao gay, Sajni ko batao Insha Jee..

Nahi sirf "Qateel" ki baat yaha, kahin "Shahir" hain kahin "Haali" hai
Tum apnay puranay yaaro se, daman na Churaao Insha Jee..!!