Aik Hi Mosam Thehar Gaya Mujh Mein

Ye Kon Doob Gaya Aur Ubher Gaya Mujh Mein
Ye Kon Saaye Ki Soorat Guzer Gaya Mujh Mein

Ye Kis Ke Sog Mein Shoreeda Haal Phirta Hoon
Ye Kon Shakhs Tha Aisa Ke Mar Gaya Mujh Mein

Ajab Hawa-E-Baharan Ne Chaara Saazi Ki
Woh Zakham Jis Ko Na Bharna Tha Bhar Gaya Mujh Mein

Woh Aadmi Ke Jo Pathar Tha, Jee Raha Hai Abhi
Woh Jo Aaina Tha Bikher Gaya Mujh Mein

Wisal Kya Ke Woh Jab Bhi Qareeb Say Guzra
Woh Yoon Laga Ke Koi Raqs Kar Gaya Mujh Mein

Woh Saath Tha To Ajab Dhoop Chaon Rehti Thi
Bass Abb To Aik Hi Mosam Thehar Gaya Mujh Mein ....!!