Zamin Pe Chal Na Sakaa Asmaan Se Bhi Gaya

by Poet Tue Nov 15, 2011 8:15 pm

Zamin Pe Chal Na Sakaa Asmaan Se Bhi Gaya
Kata Ke Par Ko Parinda Uraan Se Bhi Gaya

Tabah Kar Gai Pake Makaan Ki Khuwahish
Mein Apne Gaon Ke kache Makaan Se Bhi Gaya

Parai Aag Mein Khud Ko Jala Ke kiya Mila Tujh Ko
Use Bacha Na Saka Apni Jaan Se Bhi Gaya

Bhulana Chaha To Bhulane Ki inteha Kar Di
Wo Shakhs Ab Mere Vihm o Guman Se Bhi Gaya

Kisi Ke Hath Ka Nikla Huwa Wo Teer Hoon Mein
Hadaf Ko chu Na Saka Aur kamaan Se Bhi Gaya