Raat sunti rahi main sunaata raha

Raat sunti rahi main sunaata raha
Dard ki daastaan main bataata raha

Log logoon se chahat nibhatay rahay
Ik woh tha mera Dil jalaata raha

Dhoop chaoun si us ki tabiyat rahi
Wo nigahain milata churata raha

Ik main hi piyasa raha Dosto!
Log peetay rahay main Pilata raha

Dil ke mehman-Khanay main ronaq rahi
Koi aata raha koi jaata raha

Ham-maqtab ne sara Sabaq parh liya
main tera Naam likhta mitaata raha